Í þessum hluta verður fjallað um hugtakið starfendarannsóknir (kennararannsóknir) sem felur í sér að kennarinn rannsakar og skoðar eigið starf. Á ensku eru nokkur hugtök sem falla undir þessa skilgreininingu, s.s. action research, teachers research, self study og practitioner research.

Starfendarannsókn felur í sér að læra af reynslunni á skipulagðan og jákvæðan hátt. Kennarinn skráir hjá sér atvik í kennslunni með það fyrir augum að bæta og efla kennsluna.

Hér verður leitast við að svara nokkrum algengum spurningum um starfendarannsóknir sem vonandi nýtast þeim sem vilja fræðast meira um þessar tegundir rannsókna. Fjallað verðum um hugtakið starfendarrannsókn, um áætlanagerð og hvað kennarinn þarf að gera þegar hann rannsakar eigið starf. Einnig verður fjallað um hvernig starfendarannsóknir tengist þessum vef og hvernig reynsla kennara getur nýst öðrum kennurum og skólafólki.