Þessi aðferð er einföld og fljótleg. Hún byggir á því að tengja saman ólíka þætti í námsefninu, hvort sem um er að ræða ólíkar námsgreinar eða að tengja saman ólíka kafla í sama námsefni. En til þess að hægt sé að tengja saman ólík viðfangsefni þarf auðvitað að vera eitthvað sem þau eiga sameiginlegt.

Sem dæmi má nefna:
,,Getið þið séð einhver tengsl á milli þess sem fjallað er um á blaðsíðu 6 og á blaðsíðu 75?” 
Þá hefur kennarinn fjallað um efnið á þessum blaðsíðum á ólíkum tímum án þess að á milli viðfangsefnanna séu einhver augljós tengsl.

Einnig er hægt að tengja saman fræðin (námsbækurnar) við verklega framkvæmd.
Sem dæmi má nefna:
,,Hvernig tengist það sem við erum gera núna því sem við lásum í bókinni”.
,,Hvar í tilrauninni sjáum við dæmi um það sem fjallað er um á bls.28.   

Dæmi um tengingu við aðrar námsgreinar væri t.d.:
,,Hvernig tengist það sem við erum að mæla í heimilisfræði því sem við lærðum í stærðfræði?

Að tengja saman ólíka þætti krefst svipaðrar hugsunar og við hugtakakort, en er fjótlegra, krefst minni þjálfunar og auðveldar kennaranum að fókusera á ákveðið viðfangsefni. Það krefst einnig þess að nemendur leiti af tengslum milli ólíkra viðfangsefna.