Markmiðið með þessu verkefni er að láta nemendur tengja viðfangsefnið saman í eina heild.

Nemendur draga spjöld með texta, hugtaki, tölum eða öðru sem tengist viðfangsefniu og þeir eiga að raða sér í rétta röð miðað við það spjald sem þeir fengu. Þeir þurfa þá að ræða saman og ákveða eftir hverju skuli farið þegar röðin er mynduð.

Dæmi úr stærðfræði: Hægt er að hafa tölustafi (heilar tölur, almenn brot, hugbrot) í stærðfræði og nemendur eiga þá að raða sér í rétta röð miðað við stærð talnanna.

Dæmi úr sögu: Á spjöldunum er einhver atburðu úr sögunni og nemendur eiga að raða sér í rétta tímaröð eftir því hvenær atburðurinn gerðist.

Dæmi úr líffræði: Meltingarvegur: Nöfn líffæra eru á spjöldunum og nemendur raða sér í röð eftir því hvaða leið maturinn fer eftir meltingaveginum.

Dæmi af yngsta stigi: Nemendur raða sér í stafrófsröð (nöfn) eða eftir dagsetningum (afmælisdögum).

Kennarinn getur ákveðið eftir hverju skal fara þegar röðin er ákveðin en einnig geta nemendur komið sér saman um hvernig röðin skuli mynduð. Þeir þurfa þá að geta rökstudd hvers vegna þeir velja að raða sér í þessa röð. Kennarinn getur t.d. ákveðið hvar röðin byrjar, hvar hún endar eða hvað er í miðri röðinni.
Hægt er að láta nemendur raða sjálfum sér í röð eða láta spjaldið sitt á vegg eða töflu. Ef nemendur setja spjaldið á töfluna þá mega þeir færa annað spjald til að koma sínu spjaldi á réttan stað og þeir þurfa þá að rökstyðja hvers vegna þeirra spjald á heima þarna og hvers vegna þeir færa annað spjald.

Það að öll spjöldin eiga heima einhvers staðar í röðinni er til þess að allir nemendur þurfa að fylgjast vel með og taka þátt í verkefninu og hafa eitthvað um það að segja hvar þeirra spjald passar inní röðina.