 |
Flestir kennarar kannst við vandamálið að láta alla nemendur hafa verkefni við hæfi. Þegar nýtt verkefni er lagt fyrir nemendur þarf að huga að þeim sem eru fljótir að vinna og þeim sem eru seinir að vinna.
Sumir nemendur eru alltaf búnir langt á undan hinum og þá er gott að hafa einhver verkefni fyrir þá til að vinna við í lok tímans. Hér eru nokkrar tillögur sem ég og fleiri kennarar hafa notað. Gott er að hafa kassa með spjöldum þar sem eitt verkefni/tillaga er á hverju spjaldi og nemendur geta þá dregið eða valið sér verkefni. Verkefnin þurfa að vera skemmtileg og/eða eftirsóknarverð.
- Skrifa sögu, ljóð eða bréf
- Lesa bók
- Teikna mynd
- Spila
- Búa til leikbrúðu
- Skrifa blaðagrein
- Púsla
- Fara í krók eða aðra stofu
- Vera aðstoðarkennari
- Fara yfir eða flokka blöð.
- Fara á bókasafn (með bókasafnspassa)
- Vinna í tölvu
- Vinna að sérstöku verkefni
- Taka til á borði, hillum eða í stofunni
- Vinna gagnleg verkefni eins og heimavinnu eða áætlunarvinnu
- Aðstoða annan nemandi við ákveðið verkefni
- Skoða myndabækur, Syrpu eða aðrar bækur í skólastofunni
- Lesa dagblöð eða tímarit
- Búa til teiknimyndasögu
- Búa til auglýsingu
- Skrifa veðurfrétt/lýsingu
- Skrifa íþróttafrétt
- Teikna landakort
- Leysa skemmtilegar þrautir í stærðfræði
- Leira
- Hlusta á sögu eða tónlist (með heyrnatól)
- Búa til listaverk
- Búa til auglýsingaborða (banner)
- Vinna við fréttablað bekkjarins
Með því að hafa á hraðbergi verkefni sem nemendur geta valið sér er auðveldara fyrir kennarann að hafa sama verkefni fyrir alla og þá geta þeir nemendur sem eru fljótir að vinna fundið sér annað að gera án þess að trufla hina.
|
